Naupang lai hi a ngaihawm thin ngawt mai. Theih ni se, kohkir leh hial te hi ka chak thin.
###
He thlalak hi October 2, 2010 a ka lak a ni e.
Another Mizo Blog
A hminga hna te han thawh ve takah chuan – miten an lo nei fur bawk nen – bike hi mamawh tlatin ka inhre chho ve ta a. Office ka pa rualin ka kal thin a, Treasury Square-ah ka chhuk mai a. Ka pa awm loh chang emaw, an ruala ka kal theih loh chuan taxi-in ka kal mai zel a. Nin chang riau ka nei ve ta zeuh zeuh mai, a bik takin taxi a van tumin. Tlai hawah a tam zawkah chuan kein ka haw a, taxi pawh a hma ai chuan ka hmang tam tual tualin ka inhria.
R15 vs Bullet Classic 350 vs Karizma – neih a hmain ngaihtuahna a buai.
Mahse ka pawisa neihin ka lei pha teuh si lo. Enge next step? Nu leh Pa te dil a ni ta ringawt, anni lahin neih mai an nei bik der si lo. Chuvangin, ka thil dil hi cancel a tulin ka hria. (He post ka ziah lai hian ka la hril lova, ka ziah zawh velah ka thil dil ka cancel thu hi ka hrilh ang.)
Mi tam takin kan nu leh pate rilru kan tihhahzia hi ka sawi ve fo thin. Mahse keimah ngei pawhin ka tihah a nih chuan ka tidik dawn bik miah lo. Chuvangin, ka thil dil hi ka cancel ngei ngei a ngai. Ka thawhchhuah phak loh thil ka dil a ni.
###
Inlak fit nan kein kal leh tauh tauh phawt mai ang, hehe.
A pheikhawk bun hian ka mit a la tlat.
###
Tunlaia mipa – puitling – smart deuha inchei; mahse kawnghren var hreng tlat an awm thin. Tihdan phung tha leh nalh niin ka hre ve meuh lo.
Ka la inla fit chho mek e.
Inlak fit project ka la chhunzawm chho ve zel a. March thla tawp khan 81.5kg (jeans kekawr nena inbukin) ka ni a. April 7, 2012 (inrinni)-a ka inbuk kha chuan 80.5kg ka ni ve leh tawh (jeans kekawr nen tho).
Ti hian thla 2 chhung inlak fit project hi ka kalpui ang a ni tawh a. Kg 10 vel ka lost ve der tawh a, ka lawm ve khawp mai. Thla 2 chhung hian diet lamah chuan ka insum ve thei viau a; amaherawhchu, chhungkaw lamah thatna (inneih) leh chhiat tawh (ka pi boral) avangin hun eng emaw chen exercise ka la thei lova. Tin, mahni hna tul avangin kar khat aia tam regular-in exercise ka la thei tawh lo bawk a. Chuti chung chuan weight ka la lost ve zel hi ka lawm hle.
Weight loss ve duh in awm a nih chuan sawi nawi kual sawi nawi kual lovin, exercise la ula, ei leh in lamah mi thiam rawn tawp rawh u.
Rin loh deuhin April thla tirah ruah a sur chiam chu… Heng thlalakte hi Easter Sunday zing inkhawma ka lak a ni a. Ka Lightroom thuak thuak.
Nihliap hi chu mizoten a hming kan phuah fuh loh tak thil a ni ve ang. Kan hmanna tam zawk hi ruah surin a ni sia, phuah tha leh se chu ‘ruahhliap’ an tih ka ring, haha.
Tun kum Easter Sunday Sunrise Service chu kum dang aiin (ka hriat sual loh chuan) darkar chanvein kan tan hma a, zing dar 5:30-ah kan tan a. Kan tho hma vak vak khawp mai. Melh ngai kan melh ngur ngur hlawm mai.
Hei le, Good Friday thlalak tlem ka rawn post e.
Venpui zanah hian Aizawl khawpui chhunga Kohhran tam zawk hi chuan Lalpa Zanriah Sacrament hi kan nei thin a. Bialtu Pastor-te an indaih vek loh avangin minister (bial vawng lo) hmun hrang hrangah an kal kual thin a. Kan Kohhran (Republic Vengthlang)-ah chuan Rev. Dr. Vanlalnghaka, Registrar, ATC a rawn kal a. Kohhranhoten hlawk takin hun kan hmang thei.
PATHIAN malsawmna hi ka va han dawng nasa tak em!
Vawiin March 26, 2012 hi ka kum 26 tlinna a ni a. Ka vawikhat thisen pekna a ni.
Vawikhat chauh thisen pe nih hi a zahthlak theih viau laiin, pe thei ve tura ka taksa a infit hmasak ber a ni a. Ka tan chuan hun hlu tak a ni. Kum tam tak ka lo dream tawh thin ka pianchamah ngei ka tihlawhtling ve thei ta hi ka lawm over bon top2, hehe.
Civil Hospital, Aizawlah pek ka duh a. Zingah ka thiannu Doctor-in Birthday min wish pahin ka lo hrilh a. A hmun ka va thleng chu a thian dang Doctor pahnih (nula ve ve) nen min lo buaipui a. Zahthlak lek lek, hehe. Mahse ka birthday min ngaihhlutpuitute an nih avangin ka lawm hle.
###
Aw LALPA, kum 26 chhung damdawiina vawikhat mah admit ngai lo khawpa ka hriselna min vawn thatsak avang hian i hnenah lawmthu ka rawn sawi a. Chibai ka buk a che.
Ka u, Pro. Pastor Chawnghmingliana (Serchhip Vengchung Bial) leh Varthanpuii Varte (Synod Choir), Khatla te chu 22-March-2012 khan Republic Vengthlang Biak-inah an innei ta a. Pathian kaihhruainain engkim tluang takin kan zo fel.
Tichuan, farnu pakhat chauh nei thin khan farnu pahnih ka nei ve ta.
Chhun dar 12:00-ah Rev. Zosangliana Colney-in a inneihtir a. Tlai dar 2:00-ah Joint Reception Synod Conference Centre-ah kan nei a, zanriah dar 3:00-ah kan ei tan a. Dar 5:00 dawn thleng chaw ei an awm.
Kan chhungkua min hmangaihtu kan then leh rualte bakah kan chhungten an theih ang tawkin min tawiawm a, an chungah kan lawm takzet.
###
Thlalakte hi kan thianpa Stephen Lalhmahruaia lak vek a ni a. Tlem ka edit.
